6 шілде Астана күні мерекесіне орай №51 мектеп жанындағы лагерьдің оқушыларының қатысуымен «Бейбітшілік пен келісім қаласы» әдеби вернисажы өткізілді. Кітапхана қызметкерлері балаларды қала тарихымен таныстырып, елорданың басты көрікті жерлері туралы әңгімелеп, балалар «Астана – әсем қала» ойын викторинасының сұрақтарына қызығушылықпен жауап берді. Сонымен қатар, еліміздің астанасының қалыптасуы мен дамуына арналған «Астана-менің қалам» бейнебаянын тамашалай отырып, кітапханамыздағы макеттерге қарап тақырыптық суреттер салды. Шара соңында «Отанымның жүрегі – Астана!» атты кітап көрмесіне шолу өтті. Шара соңында барша қатысушылар сүйікті астанасына гүлдену мен амандық тіледі.