Зағип пайдаланушыларға жазылу қызметтері секторы туралы ақпарат

Зағип пайдаланушыларды абонементтік қамтамасыз ету бөлімі оқырмандарға кітапханалық қызмет көрсетуде кітап қорындағы басылымдарды үйге жеткізу, кітапханалық бекетерге кітап жеткізу қызметтерін атқарады. Оқырман қауымын қалыптастырып, пайдаланушылардың құрамын, олардың сұраныстарын, қызығушылықтарын, қажеттіліктерін зерттейді және әдебиеттерді таңдауға көмектеседі, борышкерлермен жұмыс жүргізеді. Оқырмандармен ақпараттық жұмыс жүргізеді, оларды жаңа түсімдер туралы жедел ақпаратпен қамтамасыз етеді. Зағип және нашар көретін пайдаланушыларға қызмет көрсету үшін бөлімде зағиптар қоғамының бастауыш ұйымдары, жалпақ баспа мәтіндерін оқи алмайтын адамдардың проблемаларымен айналысатын ұйымдар мен мекемелер, республиканың жалпыға қолжетімді кітапханалары жанындағы беру пункттерінің кең желісі бар. Қарағандыда облысыны бойынша кітапханаға өз бетінше бара алмайтын кез келген зағип пайдаланушы кітапқа үйге тапсырыс бере алады. Үйде абонемент қызметін қарт, жалғызбасты және қосымша мүгедектігі бар оқырмандар пайдалана алады.