Бүгін кітапханада «Қарлығаштар оралар ма» кітабының авторы, отставкадағы полиция полковнигі Кәренов Қанат Саттарұлымен кездесу өтті. Бейбіт аспанымыз үшін өз жандарын қиған, Ұлы Отан соғысында ерлік көрсеткен қарағандылық танкіші қазақтың қыздары Жамал Байтасова, Күлкен Тоқбергенова, Күлжәмилә Талқанбаева, Жәмилә Бейсенбаева жайлы танымдық ақпарат берді. Ержүрек қыздардың есімі мәңгі есте қалсын деген үмітпен «Қарлығаштар оралар ма» кітабын кітапханаға сыйға тартты. Оқырмандар қонағымызға тарихи сұрақтар қойып,ізгі тілектерін білдірді.