20 сәуір күні №1 Арнайы әлеуметтік қызметтер көрсету орталығында «Хан Абылай – Қазақтың өр рухы» атты тарихи-интерактивті іс-шара өтті. Іс-шара Абылай ханның туғанына 315 жыл толуына арналды. Егде жастағы адамдар үшін Абылай ханның өмірі мен мемлекеттік қызметіне арналған бейнеролик көрсетілді. Онда оның Қазақ хандығын нығайтудағы рөлі кеңінен баяндалды. Кітапхана қызметкері көрсетілімді қызықты тарихи деректермен толықтырып, мазмұнын тереңірек түсінуге мүмкіндік берді. Көрсетілімнен кейін пікір алмасып, қатысушылар Қазақстанның тарихи мұрасының маңызы туралы өз әсерлерімен бөлісті. Іс-шара танымдық әрі жылы атмосферада өтті.