6 сәуір күні №32 ЖББМ-нің 8-сынып оқушыларына арналған нашақорлықтың алдын алу және есірткі бизнесіне қарсы іс-қимыл тақырыбында «Тәуелділіктің құны» атты кездесу кеші өтті. Іс-шараға Киров полиция бөлімінің кәмелетке толмағандар ісі жөніндегі учаскелік инспекторының аға лейтенанты А.А. Кылышбаев шақырылды. Кездесу барысында оқушылар есірткі заттарын қолданудың салдары, құқықтық жауапкершілік және салауатты өмір салтын таңдаудың маңыздылығы туралы ақпарат алды. Шара жасөспірімдердің құқықтық сауаттылығын арттыруға және өз денсаулығы мен болашағына жауапкершілікпен қарауын қалыптастыруға ықпал етті.