Қазақтың ақиық ақыны, қазақ поэзиясында үлкен қолтаңба қалдырған Мұқағали Сүлейменұлы Мақатаевтың туғанына 95 жыл толуына орай, «Сөйлейді жыр боп жүрегім…» атты talk-show өткізілді.  Оның поэзиясы – өлең жолдары мен ұйқастар ғана емес, ол – жүрек жыры, қарапайым да шынайы сөзбен айтылған өмір ақиқаты. Ақын шығармашылығын шарықтатар жыр кешіне арнайы кітапхананың тұрақты оқырмандары мен №32 ЖББМ оқушылары қатысып, ақынның Отан мен тағдыр, ана мен туған жер, философиялық ойлары мен шынайы сезімге толы өлеңдерін мәнерлеп оқыды. Іс–шара соңында қонақтарға ақынның өмірі мен шығармашылығына арналған «Жыр жүрегі-Мұқағали Мақатаев» атты суретті кітап көрмесіне шолу жасалды. Есімі жүрегімізде мәңгі жасайтын асқақ тұлға мен өлең өлкесін әуелеткен жыр кешінің қатысушыларына алғысымызды білдіреміз.