
7 қазан күні біздің кітапханада «Парасыз әлем – біздің арман» жобасы аясында сыбайлас жемқорлыққа қарсы іс-қимыл бойынша ақпараттық сағат өтті. Сыбайлас жемқорлық пен парақорлық – қоғамның дамуын тежейтін және қоғамымызды әлсірететін ең үлкен дерт. Жобаның ақпараттық сағаты барысында қатысушылар ҚР Қылмыстық іс жүргізу кодексімен, сыбайлас жемқорлыққа қарсы іс-қимыл туралы брошюралармен, қылмыстық құқықпен таныстырылды. Ақпараттық жобаға қатысушылармен «Біз қандай қоғамда өмір сүргіміз келеді?» атты викторина өткізілді, онда әрбір қатысушы белсенділік танытып, өзінің азаматтық ұстанымын білдірді. Жобамыздың ұраны мына сөздер болды: Әділеттілік пен адалдық әрқайсымыздың басты қағидатымыз болуы тиіс.


