
Бүгін Қарағанды облысында «Кітап оқитын ұлт» республикалық кітап оқу марафонының басталуына арналған «Оқитын ұлт – Зерделі қадам» атты салтанатты рәсім өтті. Салтанатты шарада Қарағанды облысының мәдениет, архивтер және құжаттама басқармасы жыл қорытындысы бойынша үздік оқырмандарымыз — Ахметов Закир мен Шаталина Оксананы марапаттады. Белсенді оқырмандарымыз Закир мен Оксананы марапаттарымен шын жүректен құттықтаймыз! Жаңа белестерді бағындырып, қызықты кітаптар мен жаңа авторларды танудан жалықпаңыздар! Кітапханаға деген адалдықтарыңыз бен кітап оқуға деген сүйіспеншіліктеріңіз үшін алғыс білдіреміз! Біз барлық оқырмандарымызды, сіздерді әрқашан мақтан тұтамыз! Баршаңызды жаңа кітаптармен танысу үшін кітапханамызға шақырамыз! Келесі жылы үздік оқырмандар қатарында болыңыздар!


