Теміртау филиалында Теміртау қаласының мүмкіндігі шектеулі жандармен жұмыс бөлімінің қызметкерлерімен, сондай-ақ Қазақ зағиптар қоғамының оқырмандарының қатысуымен Наурызнама онкүндігі аясында, «16 наурыз-Мәдениет және ұлттық салт-дәстүр күні» орай «Наурыз-ата-баба аманаты» атты квест ойын кеш өткізілді. Іс-шараның мақсаты: қазақ халқының салт-дәстүрлеріне құрметпен қарауға және өз отанына деген патриоттық сезімге тәрбиелеу. Жарқын мерекеге барлық оқырмандарымыз белсенді қатысты: ән шырқады, жұмбақтар шешті, «Наурыз-бәйге» викторинасының сұрақтарына қызығушылықпен жауап берді. «16 наурыз-Мәдениет және ұлттық салт-дәстүр күні» атты кітап көрмесі ұйымдастырылды.