18 наурыз күні «Наурызнама» онкүндігін мерекелеу аясында №2 мектеп-интернатында «18 наурыз — Ұлттық киім» күніне орай  «Мұра мен мақтаныш» атты ұлттық киім дефилесі өтті. Ұлттық құндылықтарымызды дәріптеу мақсатында қатысушылар қазақтың дәстүрлі киімдерін киіп, ата-бабамыздан қалған мәдени мұраны мақтанышпен көрсете білді. Сахна төріне «Дала маржаны» атты костюммен бастауыш сыныптарының оқушылары  Стульгите Диана, Дюсенова Алина, Жеңіс Жансая, Жетпісбаев Ислам қазақ халқының бай мұрасы мен асыл дәстүрін ерекше образбен бейнеледі. Бұл киім  — көкшіл барқыт пен алтын өрнектер үйлесім тапқан  Ұлы даланың көркі мен салтанатын паш етіп,  күмістен жасалған ұлттық әшекейлер ата-бабадан жеткен зергерлік өнердің нәзіктігі мен сұлулығын айқын көрсетті. Жарқын жүздер, әдемі киімдер, ұлттық рухқа толы әсерлі сәттер – барлығы бұл күнді ерекше етті.

Ұлттық киім – ұлттың айнасы!