Жалпыұлттық «Наурызнама» онкүндігі аясында 18 наурыз — Ұлттық киім күніне орай кітапхананың зағип және нашар көретін оқырмандары Теміртау қалалық тарихи-өлкетану музейінде  өткен  «Мұра мен мақтаныш» атты бейімделген іс-шараға қатысып, ұлттық құндылықтарды ұлықтады. Оқырмандар экскурсия барысында «Қазақстан халқының бірлігі» залын тактильді тамашалап, ерекше тарихи жәдігерлермен танысты. Бұл күн ұлттық киімнің мәдени бірегейліктің маңызды бөлігі екенін айқындады. Музейдің экскурсиялық–бұқаралық бөлімінің меңгерушісі Сыздықова Гүлім Сагитаевна ұйымдастырған танымдық, әрі әсерлі экскурсия «көрді-тындады-өзі байқап көрді» тәсілімен қатысушыларға ұлттық мәдениетті тактильді және эмоционалдық тұрғыда тереңірек сезінуге мүмкіндік берді. Оқырмандар құнды экспонаттарды сезіне қызықтау арқылы қазақ халқының ұлттық мұрасын дәріптеді.  Қолжетімді орта тудыру, көруі бойынша мүгедектегі бар оқырмандарды оңалту-бейімдеуде жоғары деңгейдегі іс-шараны ұйымдастырып-өткізген музей қызметкерлері Г.С. Сыздықова мен С. С. Трещеваға қатысушылар ризашылығы мен шынайы алғысымызды білдіреміз!