29 шілдеде кітапханамызда сыбайлас жемқорлыққа қарсы күрес мәселелеріне арналған «Мен адал азаматпын» атты кітап көрмесі ұйымдастырылды. Кітап көрмесінде А.В. Наумованың «Қылмыстық құқық», А.В. Корчинскийдің «Коррупция, преступления и закон», «ҚР Қылмыстық-процестік кодексі» және басқа да көптеген кітап басылымдары қойылды. Кітап көрмесі барысында әңгімелесу өткізіліп, қылмыстық-процестік кодекстің маңызды баптары оқылды. Қатысушылар өз білімдерімен бөлісіп, әдебиеттермен танысып, әңгіме-диспутқа үлкен қызығушылықпен қатысты. Мұндай жұмыс түрлері азаматтардың құқықтық белсенділігін арттырады. Сыбайлас жемқорлыққа қарсы күресте «адал азамат» болу — бұл күнделікті шешімдерде, адал еңбекте көрінетін белсенді өмірлік ұстаным.