14 сәуір күні кітапханада Қазақстан Республикасы Ішкі істер министрлігі Қылмыстық-атқару жүйесі комитетінің Қарағанды облысы бойынша және Ұлытау облысы бойынша Қылмыстық атқару жүйесі департаменті қызметкерлеріне арналған семинар-тренинг өтті. «Көруі бойынша мүгедектігі бар адамдармен өзара қарым-қатынас этикасы» тақырыбындағы семинар-тренингке 35 адам қатысып, көруі бойынша мүгедектігі бар адамдармен қарым-қатынасу тақырыбы қарастырылды. Кітапхана қызметкерлері арнайы қарым-қатынас, ситуациялық көмек көрсету мүмкіндіктерін талқылап, тифлотехникалық құрал-жабдықтар мен макеттерге шолу жасады. Өзара ынтымақтастық аясындағы іс-шара кітапхана бөлімдеріне экскурсия жасаумен аяқталды.