21–22 қазан күндері кітапханамыздың қызметкерлері «Зағип және нашар көретін азаматтарға арналған республикалық арнайы кітапхана» РММ ұйымдастырған «Көзі көрмейтін және нашар көретін азаматтарға арналған арнайы кітапханалардың библиографиялық қызметі: практика, инновациялар және кәсіби даму» атты онлайн-кәсіби практикумға қатысты.

Еліміздің арнайы кітапханаларының мамандары қатысқан кәсіби іс-шара барысында зағип және нашар көретін пайдаланушылар үшін қолжетімді ақпараттық ресурстарды қалыптастыру, анықтамалық-библиографиялық қызмет көрсету, цифрлық технологиялар мен жасанды интеллектіні қолдану, сондай-ақ библиографтардың кәсіби дамуы мәселелері талқыланды.

Практикум тәжірибе алмасуға, кәсіби білімді жетілдіруге және арнайы кітапханалардың библиографиялық қызметін дамытуға бағытталған маңызды алаң болды.