1 маусым – Балаларды қорғау күніне орай кітапханада мектептің жанындағы лагерь тәрбиеленушілеріне арналған «Күндей күлімде, балақай» атты ойын-сауық бағдарламасы өтті. Іс-шара барысында кітапханашы балаларды мерекемен құттықтап, көтеріңкі көңіл күй сыйлады. Бағдарлама қызықты ойындар мен танымдық тапсырмаларға толы болды. Балалар «Сиқырлы ертегілер рулеткасы» викторинасына қатысып, «Ертегілер ізімен» атты жұмбақтар ойынында сандықшадағы сұрақтарға жауап беріп, тапқырлықтарын көрсетті. Сонымен қатар, «Кім жылдам?» пазл ойыны, «Допты беру» және «Көңілді кегли» эстафеталық ойыны ұйымдастырылды. Мерекелік бағдарлама шаттыққа, күлкіге және жарқын көңіл күйге толы өтті.