29 сәуір күні кітапханада «Балауса» балалар клубы «Алмагүл» бөбекжайының бүлдіршіндерімен «Кім тапқыр?» атты ойын-сауық кеші өтті. Ойынның басты мақсаты – бүлдіршіндердің логикалық ойлау қабілетін, тапқырлығын, жылдамдығын және танымдық белсенділігін арттыру. Бұл ойын балалардың білімге құштарлығын оятып, жан-жақты болуға, өз бетімен ізденуге және топта бірлесіп жұмыс істеуге үйретті. Іс-шара барысында балалар суретті, қызықты кітаптарды тамашалады. Қызықты ойындар қатысушыларға көтеріңкі көңіл-күй сыйлады.