18 ақпанда №32, 33 жалпы білім беретін мектептердің оқушыларымен бірге халық ақыны Жамбыл Жабаевтың туғанына 180 жыл толуына орай «Жамбыл жыры жаңғырады» атты әдеби-сазды кеш ұйымдастырылды. Кітапханашылар балаларды жыр алыбы Жамбылдың өмірі және шығармашылығымен таныстырды, оқушылар ақынның «Ленинградтық, өренім!», «Тілемеске», «Тоқтағұлға», «Песнь моя» және т.б. өлеңдерінің жолдарын оқыды, сонымен қатар балалар викторина сұрақтарына белсене жауап берді. Кештің көркіне айналған Темирхан Мединаның орындауындағы «Туған ел», «Мен сені сүйемін, Қазақстаным» әндері.