9 маусым салауатты өмір салтын насихаттау мақсатында №51 ҚББМО мектептің жанындағы жазғы лагерь тәрбиеленушілеріне арналған «Жаман әдеттер шеруі» атты ойын-саяхат өткізілді. Іс-шара балаларға сергектік пен көтеріңкі көңіл күй сыйлаған көңілді әуенмен орындалған жаттығудан басталды. Одан кейін балалар «Орындықтар» би ойынына қатысты: музыка әуенімен орындықтарды айнала жүріп, музыка тоқтаған кезде бос орындыққа жылдам отырып үлгеруге тырысты. Орындық жетпей қалған қатысушы ойыннан шығып отырды. Балалардың ерекше қызығушылығын тудырған «Ламбада» биінде олар бір-бірінің иығынан ұстап, би қимылдарын көңілді түрде орындады. Шара барысында қатысушылар «Пайдалы және зиянды» ойынын ойнап, салауатты өмір салты мен дұрыс тамақтану туралы білімдерін нығайтты. Кездесу «Жаздың жарқын бояулары» атты асфальтқа сурет салу шығармашылық тапсырмамен аяқталды. Балалар пайдалы көкөністер мен жемістердің суреттерін салып, өздерінің қиялдары мен шығармашылық қабілеттерін көрсетті. Шара көңілді, белсенді әрі танымды өтіп, балаларға көтеріңкі көңіл күй сыйлады.