17 наурыз күні №1 арнаулы әлеуметтік қызмет көрсету орталығында, Наурызнама онкүндігі аясында, «17 наурыз- Шаңырақ» күніне орай «Дәстүр дастарханы» атты ұлттық тағамдар көрмесі ұйымдастырылды. Іс-шара ұлттық асхананың байлығымен танысуға және қазақ халқының салт-дәстүрлерін тағы бір мәрте ұлықтауға мүмкіндік берді. Көрмеге қойылған кітаптар қатысушыларға қазақ тағамдарының тарихы, дастархан мәдениеті және халқымыздың бай рухани мұрасы туралы тереңірек білуге жол ашты. Көрме қонақтарға жылы әсер сыйлап, шаңыраққа жайлылық ұялатты және ұлттық құндылықтарды сақтаудың маңыздылығын еске салды.