1 шілдеде кітапханада өткен «Домбырамен тербелген ғасыр» атты домбыра party ұлттық өнерді ұлықтап, күйдің құдіретін сезінуге мүмкіндік берді. Кеш қонағы Қуаныш Нарби Құрманғазының, Тәттімбеттің, Әбдімомын Желдібаевтың және Нұрғиса Тілендиевтің күйлерін орындады. Кеш барысында қатысушылар қазақтың халық күйлерін тыңдап, домбыраның тарихы мен тағылымына қанығып, ұлттық мұрамыздың мән-маңызын бірге дәріптеді. Домбыраның күмбірлеген үні әр жүрекке рухани әсер сыйлап, ұлттық құндылықтарға деген құрметті арттырды.