28 сәуір күні мектептің 8-сынып оқушылары мен арнайы кітапхана оқырмандары үшін Қазақстан халқының бірлігі күніне арналған «Бірлік – басты байлығымыз» атты мерекелік концерт өтті. Іс-шара барысында қатысушылар мерекенің шығу тарихымен танысты. Арнайы кітапхананың тұрақты оқырмандары — А. Каримов, А. Быкова және Л. Никоненконың орындауында «Гүлдене бер, менің жерім», «Күшті адамдар» және «Біз сіздерге бақыт тілейміз» атты әсем әндер шырқалды. Сондай-ақ Қ. Абайдуллин пен С. Сағынай өлең оқып, көрермендерді қуантты. Зағип және нашар көретін мәдениет үйінің өнерпаздары А. Қапенов пен А. Гудков «Отан», «Туған жер» әндерін әсерлі орындады. Кеш барысында №32 мектеп оқушылары патриоттық рухтағы өлең шумақтарын оқып, жиналғандарға мерекелік көңіл-күй сыйлады. Кітапханашы Б.А. Омарова  «Туысқандар» әнімен аяқтады. Сонымен қатар, келушілер назарына «Бірлігі жарасқан – Қазақстан» атты кең көлемді кітап көрмесі шолу ұсынылды.