9 қыркүйекте кітапханада V Республикалық «KitapTime-2026» кітап фестивалі аясында «Білімнің бас құралы – КІТАП»» атты тарихи-әдеби сағат ұйымдастырылды. Іс-шараға 52859 әскери бөлімінің Төтенше жағдайлар министрлігіне қарасты әскери қызметкерлері қатысты. Олар үшін «Кітап эрудициясы» атты танымдық викторина ұйымдастырылып, сондай-ақ «Білімнің кілті – кітапта» атты кітап көрмесіне қойылған әдебиеттерге шолу жасалды. Қатысушылар кітаптың тарихи жадын сақтаудағы және өткенге деген құрметті қалыптастырудағы маңызын талқылады. Кітап арқылы біз өткенді танып, бүгінгі күнді пайымдап, келешек ұрпаққа тарихи жадымызды жеткіземіз.