Балардың оқу қызығушылығын арттыру мен жазғы демалыстарын қызықты, бос уақыттарын тиімді ұйымдастыру мақсатында №20 НОМ  мектепішілік лагерінің және №25 ЖББМ «Балалық шақ әлемі» жазғы лагерінің тәрбиеленушілерімен «Басылымдар планетасы» атты шолу өтті.

Іс-шара барысында балалардың ой-өрісін кеңейтіп, шығармашылығын дамытатын, ұлттық құндылықтарды дәріптейтін «Айгөлек», «Алтын сақа», «Бала би», «Балбұлақ», «Балалар әлемі», «Балдырған», «Ертегілер әлемі», «Хан талапай» балалар журналдарына шолу жасалды. Басылымдар арқылы ұлттық тәрбие, салт-дәстүр, қазақы құндылықтар мен тәрбиелік маңызы зор материалдар насихатталды.

Балалар журнал беттеріндегі әдеби шығармалармен, ұлттық ойындармен, жұмбақтармен және танымдық материалдармен танысып, логикалық тапсырмаларды қызығушылықпен орындап, жұмбақтардың шешімін табуда белсенділік танытты.

Осындай тағылымды іс-шаралар жас оқырмандардың кітап пен басылымға қызығушылығын арттырып, таным көкжиегін кеңейтуге ықпал етеді.