17 сәуір күні кітапханада «Арнайы кітапхананың әлеуметтік-мәдени серіктестігі» атты дөңгелек үстел өтті. Іс-шараны арнайы кітапхананың басшысы Нурланов Ғалым Адайұлы ашты.
Дөңгелек үстел жұмысына спикер ретінде саңыраулар мәдениет үйінің мәдени ұйымдастырушысы Абишева Айгүл Қойшыбайқызы, №1 арнайы мектеп-интернатының кітапхана меңгерушісі Иткарина Нагима Зиядовна мен кітапханашы Абишева Екатерина Петровна, кітапхананың инженер-жүйетехнигі Ковалева Анна Анатольевна және кітапхананың көру қабілеті бұзылған белсенді оқырмандары қатысты.
Іс-шараны модератор тифлопедагог-оңалтушы Высочинский Владимир Александрович жүргізіп, қатысушылармен мүгедектігі бар адамдарды әлеуметтік оңалту, бейімдеу мен қоғамға тарту, ақпаратқа қолжетімдікті қамтамасыз ету мәселелерін қарастырып, сұрақ-жауап алмаса, өзара тәжірибе бөлісті.