Бүгін №4 мектеп-интернатында ұлы қазақ философы және ағартушысы Абай Құнанбайұлының «Қара сөздер» атты еңбегіне арналған «Абайдың асыл мұрасы: қара сөздері» атты тақырыптық сағат ұйымдастырылды. Іс-шара барысында оқушылар Абай ілімінің үш негізгі бағытымен танысты: Білім – өмірлік қажеттілік; Ішкі тәрбие – ар-ұят пен еңбек; Құндылықтар – бірлік пен адамгершілік. Сонымен қатар, жиналған қауымға Абай шығармаларының тақырыптық көрмесі таныстырылды. Көрменің ерекше жәдігері ретінде ақынның Брайль қарпімен басып шығарылған бірегей кітабы таныстырылды.