1.1. Қарағанды облыстық зағип және нашар көретін азаматтарға арналған арнайы кітапхана Қарағанды облысының көру қабілеті бойынша мүгедектігі бар тұлғаларға және Қарағанды қаласының халқына мекеменің ұйымдық-құқықтық нысанында кітапханалық және ақпараттық-библиографиялық қызмет көрсетуді жүзеге асыру үшін құрылған заңды тұлға мәртебесіне ие мемлекеттік коммерциялық емес ұйым болып табылады.
1.2. Қарағанды облыстық зағип және нашар көретін азаматтарға арналған арнайы кітапхана қызметінің мақсаты қазіргі заманғы технологияларды, телекоммуникация құралдарын пайдалану негізінде кітапхананың ақпараттық ресурстарына еркін, шектеусіз және тең құқықты қол жеткізуді қамтамасыз ету, көру бойынша мүгедектігі бар адамдарға қызмет көрсететін кітапхана-филиалға және кітапхана пункттеріне әдістемелік және практикалық көмекті жүзеге асыру болып табылады. Кітапхана өз қызметін Қазақстан Республикасының заңнамасына, Қазақстан Республикасы Мәдениет министрлігінің нормативтік актілеріне, Кітапхананың Жарғысына және осы «Ережеге» сәйкес жүзеге асырады.
1.3. Кітапхана қоры келесі басылым түрлерімен ұсынылған: рельефті-нүктелі қаріп әдебиеті, рельефті-графикалық құралдар, тактильді кітап, кассеталарда және орамдарда дыбысталған әдебиет, электрондық тасығыштардағы басылымдар, облыстың әлеуметтік-экономикалық, ұлттық ерекшеліктеріне сәйкес білімнің барлық салалары бойынша жалпақ баспа қаріп әдебиеті және облыс аумағында тұратын басқа да тілдер. Кітапхана қорына келіп түскен қағаз нұсқадағы, дыбыс-бейне жазу және басқа да жеткізгіштердегі құжаттардың барлық түрлері есепке алынады. Қажетті құжаттарды іздеуге көмектесу үшін электронды каталог пен картотекадан, 2 қаріппен дайындалған: бедерлі-нүктелі және жалпақ басылған дәстүрлі карточкалық каталогтар мен картотекалардан тұратын анықтамалық-іздестіру аппараты ұйымдастырылды.
1.4. Қарағанды облыстық зағип және нашар көретін азаматтарға арналған арнайы кітапханасын Қарағанды облысының көру қабілеті нашар барлық тұлғалар, олардың отбасы мүшелері, көру қабілеті бұзылған балаларға арналған мектеп-интернаттың оқушылары, мамандандырылған балабақшалардың тәрбиеленушілері, сонымен қатар көру қабілеті нашар пайдаланушылар тегін пайдалана алады. Кітапхана көзі нашар көретін тұлғаларға, сонымен қатар басқа санаттағы мүгедектігі бар тұлғаларға ақпаратқа тең және еркін қол жеткізу үшін жағдай жасайды, олардың физикалық, психологиялық және басқа да ерекшеліктерін ескере отырып, қолайлы кедергісіз ақпараттық орта жасайды.
1.5. Кітапхана пайдаланушыларға демалыс, мереке және санитарлық күндерден басқа, кестеге сәйкес аптасына 6 күн қызмет көрсетеді.

2.1. Кітапханаға жазылу жеке куәлікті көрсету бойынша жүзеге асырылады. Көру қабілеті бойынша мүгедектігі бар адамдар қосымша түрде ҚОС мүшелік билетін немесе мүгедектікті растайтын құжатты ұсынады. Кітапханаға жазылу кезінде оқырмандар формулярын рәсімдеу үшін қажетті мәліметтер беріледі. Кәмелетке толмаған азаматтар ата-аналарының немесе балалардың заңды өкілдерінің жеке басын куәландыратын құжаты негізінде жазылады.
2.2. Кітапханаға жазылу кезінде пайдаланушы Кітапхананы пайдалану қағидаларымен танысады және оларды орындауға міндеттеме алғанын формулярдағы қолы арқылы растайды. Зағип пайдаланушыны Кітапхананы пайдалану қағидаларымен қызметкер таныстырады және оның формулярдағы жазбаны орындау міндеттемесін растайды.
2.3. Оқырман және кітап формулярлары – кітапхананың қорынан пайдаланушыға басылымдар мен материалдардың берілген күнін, фактін және олардың қайтару мерзімін растайтын құжаттар болып табылады.
2.4. Басқа қаладан келген және шетелдік азаматтарға, көру қабілеті бойынша мүгедектігі бар тұлғаларға немесе мүгедектігі бар тұлғалардың мәселелерімен кәсіби айналысатын тұлғаларға тек оқу залында ғана қызмет кқрсетіледі.
2.5. Жыл сайын пайдаланушыларды қайта тіркеу жүргізіледі.

3.1. Кітапхананы зағип пайдаланушылар тегін алуға құқылы:
Кітапхананы зағип пайдаланушылар тегін алуға құқылы:
— келісілген мерзімге Кітапхана қорынан баспа басылымдары мен басқа да құжаттар;
— Кітапхананың жұмысы туралы, каталогтар мен картотекалар жүйесі, кітапханалық ақпараттандырудың басқа да нысандары арқылы қорлардың барлық түрлерінің құрамы туралы толық ақпарат;
— ақпарат көздерін іздеу мен таңдауда консультациялық көмек;
— библиографиялық анықтама, библиографтар мен басқа да кітапхана қызметкерлерінен өзге де кеңестер;
— кез келген жеткізгіштегі әдебиетті таңдауда консультациялық көмек, сонымен қатар Кітапханада бар дыбыс шығаратын аппаратураны, электрондық жабдықты, қосалқы тифлотехникалық құралдарды пайдалану бойынша кеңес.
3.2. Қарағанды облыстық зағип және нашар көретін азаматтарға арналған арнайы кітапхана пайдаланушылары үшін барлық қызметтер тегін көрсетіледі.
3.3 Кітапхана пайдаланушыларына келесі құқықтар беріледі:
— Кітапхана өткізетін барлық іс-шараларға қатысуға;
— Кітапхана жанындағы әртүрлі кеңестердің (қамқоршылық, оқырмандар), өзге де қоғамдық бірлестіктердің құрамына кіруге;
— Кітапхана жұмысы туралы өз пікірін жазбаша немесе ауызша айту, оның жұмысын жақсарту жөнінде ұсыныстар енгізу.
3.4. Қарағанды облыстық зағип және нашар көретін азаматтарға арналған арнайы кітапхана пайдаланушылары міндетті:
— басқа пайдаланушылардың құқықтарын және Кітапхана қызметкерлерінің еңбегін құрметтей отырып, Кітапхананы пайдалану қағидаларын, қоғамдық мінез-құлықтың жалпы қабылданған нормаларын сақтауға; зағип және нашар көретін азаматтарға арналған Қарағанды облыстық арнайы кітапхана мүлкіне ұқыпты қарауға міндетті. Ережені бұзған және Кітапханаға еріксіз немесе қасақана залал келтірген пайдаланушылар оны Кітапхана әкімшілігі белгілеген нысанда және мөлшерде өтеуге;
— құжаттарды белгіленген мерзімде қайтаруға;
— жалпақ баспа құжаттары Кітапхана қорынан жоғалған немесе бүлінген жағдайда оларды тиісінше осындай (оның ішінде жоғалған басылымдардың көшірмелерімен) немесе Кітапхананың қызметкерлерімен тең бағалы деп танылған баламалармен ауыстыру. Ауыстыру мүмкін болмаған кезде — жоғалған құжаттың қазіргі уақыттағы нарықтық құны есебінен олардың құнын өтеуге;
— бедерлі-нүктелі шрифт басылымдарын жоғалтқан кезде олардың нақты құнын өтеуге;
— дыбысталған әдебиеттер бүлінген немесе жоғалған жағдайда Кітапхана жазылған сол типтегі кассеталардың тиісті санын қайтаруға немесе олардың нақты құнын өтеуге;
— кітапханашыға электрондық жабдықта анықталған ақау немесе берілген аудиоматериалда ақау туралы хабарлауға; ақауларды өздігінен жөндемеуге.

4.1 Абонементтерді пайдалану ережесі:
4.1.1. Абонемент — құжаттарды Кітапханадан тыс пайдалану үшін белгілі бір мерзімге және белгілі бір шарттармен беруді жүзеге асыратын құрылымдық бөлімше. Қарағанды облыстық зағип және нашар көретін азаматтарға арналған арнайы кітапханада келесі абонементтер бар:
— зағип және нашар көретін пайдаланушыларға арналған арнайы абонементпен;
— көпшілік пайдаланушы үшін абонементпен;
— көзі көрмейтін пайдаланушылар үшін үйде жұмыс істейтін абонементпен;
— Қарағанды қаласы мен Қарағанды облысының зағип және нашар көретін пайдаланушылары үшін сырттай абонемент.
4.1.2. Абонементті пайдаланушыға әр түрлі басылымдардың бес атауынан аспайтын мерзімге 30 күнге дейінгі мерзімге, ноталық басылымдар 2 айға дейінгі мерзімге беріледі. Егер құжаттарға басқа оқырмандар тарапынан сұраныс болмаса, оларды пайдалану мерзімі ұзартылуы мүмкін. Кітапханада сұранысы жоғары басылымдарды пайдаланудың белгіленген мерзімдерін қысқарту құқығы қалады. Әрбір алынған құжат үшін пайдаланушылар (көзі көрмейтін мүгедектігі бар пайдаланушыларды қоспағанда) формулярға қол қоюға міндетті.
4.1.3. Сырттай абонемент пайдаланушыларына репродукцияланған басылымдар (электрондық тасымалдағыштағы «сөйлейтін» кітаптар мен құжаттар, бедерлі-нүктелі қаріп әдебиеті, тактильді кітап, бедерлі-графикалық құралдар) жіберуге жұмсалған уақытты есептемегенде 30 күнге дейінгі мерзімге жіберіледі. Зағип және нашар көретін пайдаланушылар үшін құжаттарды жіберу және оларды Кітапханаға қайтару тегін жүзеге асырылады.
4.1.4. Үйдегі абонементтің құрылымдық бөлімшесі 60 жастан асқан зағип пайдаланушыларға немесе Қарағанды қаласында тұратын қосымша мүгедектігі бар оқырмандарға алдын ала телефон арқылы тапсырыс берілген репродукцияланған басылымдарды Кітапхананың автокөлігімен үйге жеткізу арқылы қызмет көрсетуді жүзеге асырады.
4.2. Оқу залын пайдалану ережелері:
4.2.1. Оқу залы — Қарағанды облыстық зағип және нашар көретін азаматтарға арналған арнайы кітапхананың құрылымдық бөлімшесі, ол пайдаланушыларға құжаттарды кітапхана ғимаратында пайдалану мүмкіндігін береді. Толық зағип оқырмандарға келісім бойынша әдебиетті үйге беру мүмкіндігі қарастырылған.
4.2.2. Оқу залында пайдалану үшін берілетін баспа туындыларының және басқа да басылымдардың саны шектелмейді.
4.2.3. Сирек кездесетін және бағалы материалдар, анықтамалық басылымдардың жалғыз даналары үйге берілмейді.
4.2.4. Жалпақ баспа кәсіби және оқу әдебиеттерін оқуды қажет ететін зағип және нашар көретін пайдаланушыларға аптасына 3 сағатқа дейін (Кітапхананың мүмкіндіктеріне байланысты) Кітапхана жайында кітапханашы-оқырманмен жұмыс істеу құқығы беріледі.
4.2.5. Көру қабілеті нашар тұлғаларға Кітапхананың тифлотехникалық орталығында мәтіндермен дербес жұмыс істеу үшін тифлотехникалық аспаптар мен электрондық қосалқы құралдар беріледі.

5.1. Кітапхана міндетті:
— көру қабілеті бойынша мүгедектігі бар адамдардың ақпаратқа еркін және тең қолжетімділік құқықтарын қамтамасыз етуге;
— пайдаланушылар үшін ең қолайлы жұмыс режимін орнатуға;
— пайдаланушыларға кітапханалық, ақпараттық, библиографиялық қызметті заманауи деңгейде, уақыт талабын және пайдаланушылардың ақпараттық қажеттіліктерін ескере отырып ұйымдастыруға;

— автоматтандырылған жұмыс орындарын ұйымдастырып, қажетті тифлотехникалық құралдар мен заманауи бейімделген технологияларды қамтамасыз етуге;
— пайдаланушылар туралы мәліметтерді ғылыми мақсаттардан басқа мақсаттарда пайдалануға жол бермеуге;
— кітапхана қорын жинақтауға, есепке алуға, сақтауға және пайдалануға;
— берілген басылымдардың уақытында қайтарылуын қадағалауға;
— жаппай және жеке жұмысты ұйымдастыру, клубтар, үйірмелер, білім беру орталықтары, мүдделер бойынша түрлі бірлестіктер құру жолымен мүгедектерді әлеуметтік оңалту мен қоғамға кіріктіруге, әлеуметтік-мәдени бейімделуге жәрдемдесуге.
5.2 Кітапхана құқықтары:
— Қазақстан Республикасы Мәдениет министрлігінің келісімі бойынша «Кітапхананы пайдалану ережесін» бекітуге;
— пайдаланушы келтірген моральдық және материалдық залал мен залал өтемақысының түрлері мен мөлшерін айқындау, бұқаралық оқырмандар үшін қосымша ақылы қызметтердің тізбесі мен құнын айқындауға;
5.3 Кітапхананың жұмыс тәртібін облыстық мәдениет басқармасының келісімі бойынша зағип және нашар көретін азаматтарға арналған Қарағанды облыстық арнайы кітапхана әкімшілігі белгілейді және оны Кітапхана басшысы бекітеді.