28 тамыз күні арнайы кітапханада оқырмандарға арналған «Сыбайлас жемқорлық және қоғам» атты кітап көрмесіне шолу жасалды. Кітапханашы Ермоленко Е.В. сыбайлас жемқорлық бағытында қазіргі кездері бүкіл әлем болып күрес жүргізіліп жатқаны жайлы толық ақпарат берді. Сонымен қатар, кітап көрмесіндегі қоғамның әлеуметтік, құқықтық сипаттарын ұғындыратын, мінсіз қоғам – жемқорлықсыз қоғам, салауатты өмір – парақорларсыз өмір, мықты мемлекет – жемқорларсыз мемлекет екені жайлы ақпарат беретін кітаптармен таныстырды. Еліміз елу елдің қатарына ену үшін аяқ басқанда айналамызды ашкөз алаяқтардан аластап, қоғамды тазарту – азаматтық міндетіміз екені айтылды.