24 сәуір күні сағ.11.00-де «Littera, Logos, Library» әдеби-зияткерлік клубының мүшелерімен аты аңызға айналған Халық қаһарманы, Ұлы Отан соғысының партизаны, жазушы Қасым Қайсеновтың туғанына 105 жыл толуына арналған «Помним подвиг героя» бедерлі-нүктелі қаріпті басылымның тұсаукесері өтті. Қатысушыларға батырдың өмір жолы, партизандық ерлігі туралы ақпараттар беріліп, жазушы шығармашылығына арналған кітап көрмесіне шолу жасалды. Бірегей батыр туралы «Партизан Касым Кайсенов или просто Вася» деректі фильмі көрсетіліп, мерейтойы қарсаңында жарыққа шыққан «Мальчик в тылу врага» бедерлі-нүктелі қаріпті кітап пен «Человек-легенда» библиографиялық жадынамасы оқырмандар назарына ұсынылды.